Stuart Harries

Mae Stuart Harries yn ymchwilydd ac yn ddadansoddwr economaidd gyda phrofiad eang o weithio fel Ymgynghorydd Datblygiad Economaidd. Yn ystod y pum mlynedd diwethaf mae Stuart wedi cyfrannu at ddatblygu rhestr sylweddol o gleientiaid ar draws Cymru, y Deyrnas Unedig ac Ewrop.

Mae Stuart wedi arwain nifer o astudiaethau datblygu strategaeth ac adolygiadau gan gynnwys, yn ddiweddar datblygu Strategaeth Datblygu Economaidd Gorllewin LLundain ar ran Partneriaeth Gorllewin Llundain.

Yn ystod y tair mlynedd ddiwethaf mae hefyd wedi arwain nifer o astudiaethau dadansoddi a phroffilio mewn nifer o awdurdodau lleol gan gynnwys Rhondda Cynon Taf, Sir Gaerfyrddin a Peterborough and the Fens.

Mae Stuart hefyd wedi cyfarwyddo nifer o astudiaethau effaith economaidd gan gynnwys effaith economaidd datblygu'r marina ym Mhwllheli a'r diwydiant twristiaeth antur yng Ngogledd Cymru. Yn 2003 cwblhaodd Stuart astudiaeth ar ran Cyngor Cefn Gwlad Cymru yn asesu'r effaith economaidd posib a'r cyfleoedd busnes a ddaw o ddatblygu economi amgylcheddol a ddylanwadir gan weithredu polisiau a chyfarwyddiadau amgylcheddol yr Undeb Ewropeaidd; a sut yn eu tro y byddai'r cyfleoedd yma yn dylanwadu ar bolisiau datblygu economaidd ar draws yn DU.

Ym maes economeg llafur a datblygiad yr economi sgiliau mae prif ddiddordeb ac arbenigedd Stuart ac yn ddiweddar fe gyhoeddodd bapur yn yr European Journal of Education yn dwyn y pennawd "The Skills Economy and Workforce Development: a regional approach to policy intervention". Yn ddiweddar mae hefyd wedi arwain gwerthusiad o'r cynllun peilot 'Y gweithiwr sy'n Dysgu' ar ran y Cynulliad Cenedlaethol ac wedi cwblhau astudiaeth datblygiad gweithlu sylweddol ar ran yr Asiantaeth Sgiliau Sylfaenol. Mae Stuart hefyd wedi ymgymryd a nifer o astudiaethau'r farchnad lafur sectorol ar gyfer cleientau megis Cyngor Gofal Cymru, Cynulliad Cenedlaethol Cymru, Asiantaeth Datblygu East Midlands a'r Sefydlaid Ewropeaidd. Mae hefyd wedi arwain nifer o astudiaethau yn ymchwilio i'r cyfleoedd a'r angen i weithredu polisiau datblygu sgiliau yn ol y galw oddi fewn i awdurdodau lleol.